2029ൽ ജോസഫ് വിജയിയെ പ്രധാനമന്ത്രി സ്ഥാനാർഥിയാക്കി രാഹുൽ ഗാന്ധി മുന്നിൽ നിർത്തുമെന്ന് ടിവികെ | TVK claims that Rahul Gandhi will announce Joseph Vijay as the prime ministerial candidate in 2029

2029ൽ അത്ഭുതം സംഭവിക്കുമെന്നും രാഹുൽ ഗാന്ധി തന്നെ വിജയിയെ പ്രധാനമന്ത്രി സ്ഥാനത്തെത്തിക്കുമെന്നും കനിമൊഴി

ചെന്നൈ:  2029 തിരഞ്ഞെടുപ്പിൽ ടി.വി.കെ രാഹുൽ ഗാന്ധിയെ പിന്തുണയ്ക്കുമെന്ന കോൺഗ്രസ് വാദത്തിനിടെയാണ് വിജയിയെ പ്രധാനമന്ത്രി സ്ഥാനാർഥിയാക്കി കാണിച്ചുകൊണ്ടുള്ള ടിവികെ എംഎഎൽഎ കനിമൊഴിയുടെ പ്രസ്താവന. അടുത്ത ലോക്‌സഭാ തിരഞ്ഞെടുപ്പിൽ തമിഴ്‌നാട് മുഖ്യമന്ത്രിയായ ജോസഫ് വിജയിയെ പ്രധാനമന്ത്രി സ്ഥാനാർഥിയാക്കി മുന്നിൽ നിർത്തുമെന്ന് ആവർത്തിച്ച് ടി.വി.കെ.

'2029ൽ വിജയ് പ്രധാനമന്ത്രി സ്ഥാനാർഥിയാവും. രാഹുൽ ഗാന്ധിയാണ് വിജയിയെ തമിഴ്നാട് മുഖ്യമന്ത്രിയാക്കാൻ സഹായിച്ചത്. അതുപോലെ 2029-ൽ അദ്ദേഹം വിജയ്യുടെ കൈപിടിച്ച് രാജ്യത്തിന്റെ പ്രധാനമന്ത്രിയാക്കും. രാജ്യത്തിന്റെ പ്രധാനമന്ത്രി ആരാകണമെന്ന് 'ഡൽഹിയല്ല, തമിഴ്നാടാണ് തീരുമാനിക്കുക', 2029ൽ അത്ഭുതം സംഭവിക്കുമെന്നും രാഹുൽ ഗാന്ധി തന്നെ വിജയിയെ പ്രധാനമന്ത്രി സ്ഥാനത്തെത്തിക്കുമെന്നും കനിമൊഴി പറഞ്ഞു.